ભોજન અને નિવાસ વ્યવસ્થા

મહત્વના તીર્થક્ષેત્ર પર સંસ્થાન દ્વારા ભક્તિનિવાસ ચલાવવામાં આવે છે. અહીં સમાજના યાત્રિક પરિવારો માટે સ્વચ્છ ઓરડા, પથારી, ગરમ પાણી અને સુરક્ષિત વ્યવસ્થા ઉપલબ્ધ છે.

ભોજનશાળામાં દરરોજ સાત્ત્વિક ભોજન પીરસાય છે. વડીલ યાત્રિકો, નાનાં બાળકો અને બીમાર દર્શનાર્થીઓ માટે અલગથી હળવા ભોજનની વ્યવસ્થા પણ કરવામાં આવે છે.

આ સમગ્ર વ્યવસ્થા સમાજના દાતાઓના સહયોગથી ચાલે છે. અહીં કોઈ પણ પરિવારને નાનો કે મોટો ગણવામાં આવતો નથી. સૌ માટે એક જ રસોડું અને એક જ પંગત.