સન્માન સાથેનું વડીલ નિજધામ

આપણા સમાજમાં ઘણા વડીલો એવા છે જેમનાં સંતાનો પરદેશ કે દૂરના શહેરમાં વસે છે. તેમની પાસે સાધન છે, પણ સાથ નથી. આવા વડીલો માટે સંસ્થાન સન્માનજનક નિવાસ ઊભું કરે છે.

અહીં દરેક વડીલ માટે અલગ ઓરડો, નિયમિત ભોજન અને દવાની તપાસની વ્યવસ્થા છે. પણ સૌથી અગત્યનું એ કે અહીં સાથે બેસીને વાત કરનારો પરિવાર છે. સવારે ભજન, બપોરે વાંચન અને સાંજે સત્સંગ એ અહીંની દિનચર્યા છે.

જે વડીલો સક્ષમ છે તેઓ સંસ્થાનની પ્રવૃત્તિઓમાં માર્ગદર્શન આપે છે. અનુભવનો આ ખજાનો નવી પેઢી સુધી પહોંચે એ પણ આ પ્રકલ્પનો હેતુ છે.